اكاذيب الشباب على البنات

اكاذيب الشباب على البنات... مع التعليق
1-.. حبيبتي تدرين والله ما عندي حركات الشباب ....ما اكلم بنات!..... اصلا ما احب هالحركات
(( باين وانت كل بنات العالم يعرفونك ))
2-.. ما ادري حبيبتي احس اني اعرفك من زماااااااان
(( لا يمكن مغلّط بين وحده كنت تعرفها قبل ... يمكن في شبه ))
3- .. حبيبتي والله احس انه في اشياء كثيرة انا وانتي نتشابه فيها ... كاننا شخص واحد
(( سبحان الله اخوها في الاسلام لازم يكون في شبه ))
4-!!.. حبيبتي احس انك غييييير عن كل البنات !...احس انك مختلفة وغير عنهم
(( ليش فوق راسها ريشة ولا من كوكب ثاني ))
5- !! .. يا ليتني يا قلبي عرفتك من زمان
(( معليش كان عندك زحمة ))
6- !! .. حبيبتي انتي تااااامرين على قلبي امر ... كل اللي تقولينه اقولك تمّ ومن هالعيون
(( هيه في الاحلام اكيد ))
7- .. حياتي ابغيك تتغطين عشان محد يشوفك ...لاني اغااااااار
(( يا حراااام الغيرة حرقت قلبك حرق ))
8- !! .. انا جاي اخطبك من اهلك بس بعد ما اكون نفسي
((اجل من تكون هههه بس صدق تكسر الخاطر فلوسك كلها على المبايل و السيارة وعزايم اصحابك))
9-!! ..يا قلبي ابغي اشوفك في اقرب وقت .. .. ما اقدر على الشوق اللي ذابحني
(( يبغي اصحابه يتاكدون انه حبيبته حلوة ))
10-!! .. انا احب الشعر ومن هواياتي الرسم والسباحة
(( لا روووووومنسي الحبيب .. طلع روميو ونحن ما ندري ))
11-!! .. حبيبتي حطي في بالك انا اذا حبيت حبيت من قلبي
(( اقول بس اي قلب فيهم ؟؟..))
12- !! .. علاقتي فيك محد يدري فيها ابد لانها من اهم خصوصياتي
(( بس عاد كل اصحابه يدرون ... لانهم مو اي احد ))
13-!! .. شكلي حبيبتي راح آخذلي لي جاكوار من الوكالة
(( اذا مو هوندا مديل 76 من الحراج ))
14-!! .. احتمال اروح سويسرا الصيف الجاي
(( هيه هيّن .. اذا مب ساير بمبي والا بندر عباس هع هع ))
15-!! .. دايما! اشتري عطوراتي من تناغرا وباريس غاليري
(( الحمد لله والشكر ))
16-!! .. حبيبتي .. لما اشوف رقمك في موبايلي قلبي يفز من مكانه
(( اكيد خايف تكون كشفت ملاعيبك ))
17-!! ..فلان قال لي اعطيه رقمك ... بس انا قلت له اقتلني قبل لا تاخذ رقمها مني
(( ههههه يا مضحي انت يا شجاع يا قدع ..... هذا اذا مب كل الشباب يعرفون رقمها مسكينة ))
18-!! .. حبيبتي ابغي صورتك علشان قبل لا انام اتاملك واحلم فيك
(( وانت الصادق علشان تمل منها تهددها ))
19-!! .. اسف حبيبتي امس ما اتصلت بك كنت مشغوووول مع الدراسة
(( باين يا نيوتن انتااااااااااا))
20- تدرين حبيبتي دايم البنات في السنتر يطلبون رقمي ..
.. بس انا ما اعطيهم ويه دام انتي حبي الوحيد
(( الترتيب الصحيح للجملة ... دايم انا الحق البنات بس ما يعطوني ويه ))
21-!! .. والله حبيبتي كان ودي اجيك ع الموعد اليوم بس صارت ظروف صعبة جدااا وما اقدر اجيك
(( هيه صح تذكرت موعدك مع صديقتك الثانية اللي واعدتها 10 مرات وخلفت وعدك ))
22-!! .. امس ما رقدت طـــووول الوقت افكر فيك..
...ماخذه عقلي وتفكيري حبيبتي
(( لا صدقت نمت وحلمت وشبعت نوم ولا داري عنها اصلاااااا))
23-!! .. انتي احلى بنت شفتها في حياتي ما اظن القى احلا منك
(( ليش متعرّف على ملكة جمال الكون واحنا ما ندري ؟..))
24- الظاهر بشتري كمبيوتر جديد ...كمبيوتري صار له شهرين معاي وكمبيوتر اخوي ما يعجبني
!! ..والكمبيوتر الثاني ما اتأقلم معاه
(( ما شاء الله وكالة كمبيوترات اقص ايدي اذا ما كان كمبيوترك من العصر الجاهلي وكل ماخترب صلحته ))
25-!! .. ما افتح المسنجر الا اذا كنتي موجودة ...اصلا النت بدونك ما يسوى
"](( يقصد ...ما افك عنج البلوك الا بعد ربع ساعة من تدخلين ... ترى النت بدون البنات ما يسوى))

منقوووووووووووول